සැම්සුන්ග් ගැලැක්සි එස් 6 දුරකතනය නිකුත්වේ

                     ***සැම්සුන්ග් ගැලැක්සි එස් 6 දුරකතනය නිකුත්වේ***

කවුරුත් ඉතා කුතුහලයෙන් බලා සිටි ගැම්සුන්ග් ගැලැක්සි දුරකතන පෙලේ නවතම පෙ‍රැලිකරුවා (2015.03.02)
දින එලි දක්වනු ලැබුවා.

මම හිතන්නෙ අපි තමයි ඉස්සෙල්ලම මේ ගැන කියන්නේ.

සෑම වසරකම Samsung සමාගම විසින් Samsung Galaxy S ඛාණ්ඩයේ, ස්මාට් ජංගම දුරකථනයක් වෙලඳ පොළට නිකුත් කරනවා. 2011 වසරේදී එය Samsung Galaxy S2 ,2012 වසරේදී එය Samsung Galaxy S3, 2013 වසරේදී එය Samsung Galaxy S4, ලෙසත් 2014 වසරේ දී එය Samsung Galaxy S5 ලෙසින් නිකුත් කරනු ලැබුවා. 2015 වසරේදී එය Samsung Galaxy S6 ලෙසින් අද දිනයේ බාර්සිලෝනා නුවරදී පැවැත්වූ ජංගම දුරකථන ලෝක සමුලුවේ වෙළඳ ප්‍රදර්ශණයේදී (Mobile World Congress) එළිදක්වනු ලබුවා. එනම් මෙහි සංස්කරණ දෙකක් දැකගත හැකිය. Samsung Galaxy S6 සහ Samsung Galaxy S6 Edge යන්නයි. එම දුරකතනයේ Note Edge දුරකතනයට සමාන ආකාරයෙන් දුරකතනයේ නැවුණු Display එකක් දැකගත හැකිවේ. සාමාන්‍ය සංස්කරණයට වඩා Edge සංස්කරණයේ හැඩය සහ මිලද ඉහල බවක් ගන්නා බව පැහැදීලි වේ.

S6 දුරකථනයේ විශේෂත්වය වන්නේ පෙර දුරකතනයේ තිබූ පෙනුමට වඩා ඉහල නිමාවක් ලබාදීමයි. ඉදිරිපස මෙන්ම පිටුපසටද Gorilla corning Glass යොදා ඇති අතර දුරකථනය වටේ Metal Frame එකක් යොදා තිබේ. මෙමගින් ඇපල් අයි ෆෝන් වලට තරඟයක් දිය හැකි ආකාරයේ නිමාවක් Samsung s6 දුරකථනයට එක්වී තිබේ.

මෙම ජංගම දුරකතනයේ විශේෂතා පහත වේ

20MP ඉදිරිපස හා 5MP පිටුපස කැමරාව. (UHD Video Record)
S6 new fingerprint sensor
1600 x 2560 4k Display & 554ppi density
Android Lollipop OS
32, 64 හා 128GB ලෙස මාදිලි 3 කින් නිකුත් වීමට නියමිතයි.
3GB RAM
Card Slot Upto 128GB
4G LTE
Nano Sim
5.2 inch Display
Water resistant up to 1 meter and 30 minutes

එකතුකර ඇති අලුත් අංග


Micro Sim වෙනුවට Nano Sim
2GB RAM වෙනුවට 3GB RAM
Display Resolution එක වැඩිකිරීම සහ ppi වැඩිකිරීම. (432 සිට 554 දක්වා)
Corning Gorilla Glass 3 සිට 4 දක්වා. (මෙමගින් Display එකෙහි සිරීම් ඇතිවීම තවදුරටත් අඩුවේ)
එමෙන්ම මෙහි Edge සංස්කරණයේ කැමරාව 16mp හෝ 20mp විය හැකි බවද පෙන්වා දෙනවා
16MP Camera සිට 20MP Front camera හා 2MP සිට 5MP දක්වා පිටුපස කැමරාව.
එමෙන්ම S5 දුරකතනයට වඩා අති සංවේදී Sensors කිහිපයක්ද අලුතින් එක්කර තිබේ..

සම්පූර්ණ අයිතිය අයිතිය කතෲ සතුය.
උපුටා ගැනීම තහනම්
කතෲ අයිතිය සුරකින්න

රූට් කිරීම යනු (About Rooting)

හැමෝටම සුභ දවසක්!!!

හැමෝම අහනව රූට් (Root) කරනවා කියන්නෙ මොකද්ද?

හොඳයි ඔන්න එහෙනම් මම අද කියල දෙන්න Root කරන එක ගැන.
අපි ඉස්සෙල්ලම බලමු රූට් කරනවා කියන්නේ මොකද්ද ? මෙන්න මෙ ප්‍රශ්නෙ හැමෝගාවම තියෙනවනෙ..
අලුතෙන් ඇන්ඩ්‍රොයිඩ් ෆෝන් ගත්ත ගොඩක් දෙනෙක් අහන ප්‍රශ්නයක් තමයි "මම ෆෝන් එක රූට් කරන්නද එපාද?" කියන එක. සමහරක් අය රූට් කරනවා කියන එක ගැනවත් දන්නෙ නැ.....

හරි අපි මුලින්ම බලමු මොකක්ද මෙ රූට් කරනව කියන්නෙ කියලා....
ගොඩක් ඇන්ඩ්‍රොයිඩ් ෆෝන් වල මෙහෙයුම් පද්ධතියේ භාවිත කරන්නාට යම් කිසි සීමාවක් ඇතුව භාවිත කරන්න තමයි මූලික සැකසුම් තියෙන්නේ. ඒ කියන්නේ අපිට සිස්ටම් එක සම්බන්ධ ගොඩක් දේවල් කරන්න බෑ.

රූට් කිරීමෙන් වෙන්නේ මේ තියන සීමා මායිම් ඔක්කොම නැති වෙන එකයි. ඒ කියන්නේ අපිට අපේ ඇන්ඩ්‍රොයිඩ් සිස්ටම් එකට අලුත් වැඩ කිඩ ගොඩක් දාන්න පුලුවන්... ඒක තව පැහැදිලි කලොත්
සාමන්‍යයෙන් මෙම මෙහෙයුම් පද්දතියකට ඇතුල් වෙන්න ක්‍රම දෙකයි තියෙන්නේ පරිගනකයේදී වගේම තමා.

ඒවා වෙන්නේ Administrator Account / Guest Account යන ආකාර 2ක. සාමන්‍යයෙන් android user කෙනෙක්ට සම්පුර්ණ පද්දතිය පාලනය කරන්න බෑ.
මොකද සමහර වෙනස් කිරිම නිසා පද්දතිය සම්පුර්ණයෙන් අකර්මන්‍ය විම (ඩේඩ් වීම,බ්‍රිච්ක් වීම වැනි දේ) වගේ හේතු දක්වන්න පුලුවන්.එලෙස බලන විට අපි මේ පද්දතිය භාවිතා කරන්නේ සම්පුර්ණයෙන් නෙමේ.
රූට්ර්‍ කරනවා කියන්නෙ අපිට මෙ පද්දතියට සම්පුර්නයෙන්ම ඇතුල් වෙලා පද්දතිය වෙනස් කිරිමේ හැකියාව ලබා ගැනිමටයි.මෙමගින් ඔබට ලබා ගන්න පුලුවන් වාසි බොහොමයි,ඒත් අවදානමත් එ එක්කම වැඩි වෙනවා.
හරිනේ මම හිත්නව දැන් කට්ටියට ටිකක් පැහැදිලි ඇති කියල.. ඔයිට වඩා තෙරුම් කරන්න නම් බෑ.... උපරිම පැහැදිලි කරල තියෙන්නේ...

හරි අපි දැන් බලමුෆෝන් එක රූට් කරන එක අනතුරුදායකද කියලා...
මාත් මුලින්ම රූට් කරන්න බයෙන් හිටියේ. ඒත් කොහොම හරි අන්තිමේදි රූට් කරා. ගොඩක් දෙනෙක් ට තියන බය තමයි තමන්ගේ ෆෝන් එක බ්‍රික් වෙයි කියන එක. නමුත් රූට් කිරීමේදි බ්‍රික් වීමට ඉඩකඩ බොහෝ අඩුයි.
එහෙම බ්‍රික් වීමේ අවදානම 5%ක් වගේ කියල තමයි ඔය ප්‍රසිද්ධ ඇන්ඩ්‍රොයිඩ් web sites වල තියෙන්නේ.... ඒත් හරියට කලොත් ඒ 5% ටවත් අහු වෙන්නෙ නෑ..
දැන් කට්ටිය දැන ගනිමු පෝන් එක රූට් (Root) කරන්නෙ ඇයි කියල..
මම කලිනුත් කිව්ව වගේ ෆෝන් එකේ සම්පූර්ණ පාලනයම තමන්ගේ අතට ගන්න පුලුවන් එතකොට...

එතකොට මේ රූට් කිරීමේ වාසි මොනවද? මෙන්න වාසි....
1.රූට් කිරීමේන් ඇන්ඩ්‍රොයිඩ් ඕ එස් (Android OS) එක භාවිත කිරීමට තිබූ සීමා මායිම් නැතිව යනවා..
2.නිල නොවන ඇන්ඩ්‍රොයිඩ් සංස්කරණ දාන්න පුලුවන් (කස්ටම් රොම්).
සමහර ෆෝන් වලට ඇන්ඩ්‍රොයිඩ් (Android) අලුත් වර්ශන් (Version) වල ඔෆීශියල් අප්ඩේට් (Official Update) දෙන්නේ නෑ.
එතකොට කස්ටම් රොම් (Custom Rom) එකක් මගින් අලුත් සංස්කරණයක් ස්ථාපිත කිරීමට පුලුවන්. මේ සඳහා ෆෝන් එක රූට් (Root) කර තිබිය යුතුයි.

* කස්ටම් රොම් (Custom ROM) ගැන මම වෙනම පෝස්ට් එකක කියල දෙන්නම්....*

3.සමහර ෆෝන් වල ස්ක්‍රීන් ශොට් ගැනීමට රූට් කර තිබිය යුතුයි...
4.ඇප්ස් ඉන්ස්ටෝල් (Apps Install) වෙන්නේ ෆෝන් එකේ ඉන්ටර්නල් මෙමරි (Internal Memory) එකට. රූට් කිරීමෙන් මේ ඇප්ස් එස්.ඩී කාඩ්(SD card) එකට ඉන්ස්ටෝල් (install) කිරීමට පුලුවන්. ( මේක කට්ටියට තියෙන ලොකුම ලොකුම වාසියක්)
5. තව එකක් තමයි ප්‍රොසෙසරය ඔවර් ලොක්/ අන්ඩර් ලොක් කල හැකිවීම. (*මේක ටිකක් අනතුරුදායකයි). කමක් නැ කරන්න පුලුවන් දේවල් දැනගමුකෝ.
6. සිංහල දාන්නත් කරන්නත් රූට් කරන්න ඕනේ.
7.Cool apps ඒ කිව්වෙ රූට් කරපු පෝන් වල විතරක් වැඩ කරන Apps ක්‍රියා කරවන්න පුලුවන්.
8. battery එකේ ආයු කාලය දිගුකරගත හැකි රූට්කරපු දුරකථන සඳහා පමණක් විශේෂයෙන්ම නිර්මාණය කරපු apps භාවිතා කරලා දුරකථනයෙහි battery යෙහි ආයූ කාලය දිගු කරගැනීමට පුළුවන්..
9.අපේ පෝන් එකට සහයෝගය නොදක්වන apps විශාල ප්‍රමණයක් තිබෙනවා. ඒ apps පවා ඔබට ඉන්ස්ටෝල් (install) කිරීමට හැකියාව ලැබෙනවා රූට් කිරීමෙන් පසුව..
10.තව අනවශ්‍ය apps ඉවත් කිරිම කරන්නත් පුලුවන්...
තව ගොඩක් දේවල් පුලුවන්.. 10ක් ඇතිනේ... මම කිව්වේ වැදගත්ම වටින ටික...

රූට් කරන එකේ වාසි තියෙනවනම් අවාසිත් තියෙන්න එපැයි..
එහෙනම් ඒ ටිකත් දැනගනිමු...
1.බ්‍රික් (Brick) වැඩි දෙනෙක් රූට් කිරීමට බියවි සිටින්නේ මෙම හේතුව නිසා.bricking කියල කියන්නේ දුරකතනයෙහි සොෆ්ට්වරෙ වලට දැඩි ලෙස හානි වීමට ඇති හැකියාවයි. එම හේතුව නිසා ඔබගේ දුරකථනය පෙර තිබු පරිදි නිවැරදිව වැඩ කිරීමට නොහැකි වී. එම ඵොනෙ එක වැඩක් නැති දෙයක් බවට පත් වීමට පුළුවන්. *නමුත් නිවැරදිව රූට් කලොත් මෙහෙම වෙන්නෙ නෑ...
2. සමහර පෝන් රූට (Phone Root) කලාම Official update කරන්න බැරි වෙනවා.
3.අලුත් පෝන් තියෙන අයට වැදගත් එකක් තමයි රූට් කලාම පෝන් එකේ වගකීම් කාලය (Warranty period) එක නැති වෙනවා...නමුත් දැන් එම රූට් කරපු දුරකතය නැවත පෙර තිබු තත්වයට පත් කර ගැනීමටද පුළුවන් බව මතක තබා ගන්න... ඒක නිසා බය වෙන්න එපා...

අවාසි කියල මහලොකු දෙයක් නෑ.. ඔන්න ඔය තුන තමයි තියෙන්නේ. තව පොඩි පොඩි දේවල් ඇති..ඒවා වැදගත් නෑ..

ඔන්න රූට් කිරීම ගැන සම්පූර්ණ ලිපියක්..
සැලකිය යුතු:- මෙය සිදු කරන ආකාරය දුරකථන මාදිලියෙන් මාදිලියට වෙනස් වෙනවා.
ඔන්න එහෙනම් ඔය ටික තමයි රූට් (Root) කරන එක ගැන කියන්න තියෙන්නේ..
වැදගත්:- ඔබගේ හෝ අපගේ කිසිඳු අනුදැනුමකින් තොරව සිදුකරන රූට් Root කිරීම හෝ ROM ගැසීමකදී සිදුවන හානි වලට වගනොකියන බව කරුණාවෙන් සලකන්න.

ඉහත සියලුම කරුණු කිසිඳු අයුරකින් උපුටා ගැනීම සපුරා තහනම්.
සියලුම අයිතිය කතෲ (සංජය තිසර වීරසේකර) සතු වේ..
අකුරු වැරදි තියෙනවනම් සමාවෙන්න. පෝස්ට් එක දිග උනේ මුල ඉදන්ම ඔක්කොම කියපු නිසා..
පෝස්ට් එක බැලුවම පේනවනෙ කොච්චර මහන්සි වෙලා තියෙනවද කියලා..සිංහල ටයිපින් අමාරුනේ කොහොමත්...

එහෙනම් මොනවහරි දැනගන්න දෙයක්, වැරදි දෙයක් තියෙනවනම් පෝස්ට් එකට Comment එකක් දාන්නකෝ...
ජය වේවා හැමෝටම!!!

කොපි පෝන් වලට අහු නොවී බේරෙමු

ආහ්... කොහොමද ඉතින් කට්ටියට....
කාලෙකට පස්සේ තමයි පෝස්ට් එකක් දාන්නේ... ගොඩක් වැඩ වැඩි නිසා බ්ලොග් එක පැත්තේ එන්නත් බැරි වෙනවා සමහර වෙලාවල් වලට.... හරි හරි ඒවයින් වැඩක් නෑ කතාවට බහිමුකෝ...

ලිපිය ටිකක් දිගයි.. දිගයි කියන්නේ ගොඩක් විස්තර තියෙනව කියන එකනේ.. කියවන්න
අපේ ගෲප් එකේ ඉන්න පරණ සාමාජිකයෝ ගොඩාක් දෙනෙක් දන්නවා දැන් ඔරිජිනල් කොරියන් සහ ඉන්ටර්නැශනල් පෝන් ගැනත්,
Copy සහ Fake ගැනත් කොපි ඒවා කිසිම වැඩක් නැහැ කියල දන්නවනේ...
අපි ඔය කොච්චර කිව්වත් ඕව හොඳයි කියල ‍රැවටෙන අයත්, ඕව ගන්න අයත් තවම ඉන්නවනේ... මම දැක්ක දැන් කොපි පෝන්(හොර පෝන්) විකිණීම පහල වැටිල තියෙන නිසා ඕව විකුණන අය එකකට එකක් දෙන වගකීමක් දෙනව කියල (Replacement warranty), එහෙම නැත්නම් ඔරිජිනල් පෝන් වල වගේ අවුරුද්දක්ම වගකීම දෙනව කියල....
ඔය මොන දේ කිව්වත් දන්න කෙනා ගන්නේ ඔරිජිනල් කොරියන් හරි, ඉන්ටර්නැශනල් හරි තමයි....
ඒත් තවම කොප්ය් ගැන දන්නේ නැති අයට තමයි මේ ලිපිය දාන්නේ. ඒ වගේම අලුතෙන් පෝන් එකක් ගන්න හිතාගෙන ඉන්න අයටත්.

මේ ප්‍රශ්නේ හුඟාක් තියෙන්නේ සැම්සුන් පෝන් වලට තමයි.... සැම්සුන් වලත් ගැලැක්සි එස්4 (S4) , එස්5 (S5) වල තමයි.... අනිත් ඒවගෙත් කොපි තියෙනවා ඒත් වැඩියෙන්ම තියෙන්නේ එස් 4, එස් 5 වල තමයි....
මේක ගැන ලියන්න හිතුනේ දැන් හැමතැනම අඩුවට කොරියන්,වියෙට්නාම් කියල Samsung Galaxy S4 තියෙන හින්දා,

හුගාක් කඩවල් වල අය (පල් හොරු) කොරියන් වර්ෂන් එක කියල තමයි මේවා විකුනන්නේ. රු 11000-20000 අතර මිලකට. පිටින් මේවා බැලූ බැල්මටම ඔරිජිනල් පෝන් එකට සමානයි. ඒත් මෙන්න මේකයි ඇත්ත කතාව ඔරිජිනල් කොරියන් වර්ෂන් එකේ මොඩල් නම්බර් එන්නේ SHV-E300 K/S/L කියලා.තව පෝන් වල මොඩල් නම්බර් විස්තර ඕනෙනම් මම පහල දාල තියෙන ලින්ක් වලින් බලන්න... මේ මොඩල් කොරියාවේ පාවිච්චියට හදපුවා. ඔරිජිනල් ඉන්ටර්නැශනල් එස් 4 (S4) ඒකක මොඩල් නම්බර් එක එන්නේ GT-i9500 හෝ GT-i9505 කියලයි.

මේවා නිෂ්පාදනය කරන්නේ HDC කියන Chinese Company එකෙන් නිෂ්පාදනය කරන දුරකථන . බොරුනම් ඔයගොල්ලෝ එකේ නිල වෙබ් අඩවියට ගියොත් බලාගන්ඩ පුලුවන් මේවා ගැන මෙන්න ලින්ක් එක http://hdcmobile.com/ . මේවා අඩු පිරිවැයකින් හා තත්වයෙන් උසස් නැති Hardware දාල හදන බාලම බාල පෝන් කෑලි නිසා තමයි මෙච්චර ගණන් අඩු... මේ කියලත් මෙව්වම ගන්න අය ඉන්නවනේ මෝඩකමට.

හරි ඉස්සෙල්ලම බලමු පෝන් එකක් අතට ගත්තම මුලිම්ම පේන
 තිරය ගැන. (Display)

=Original=
ඔරිජිනල් එකේ තියෙන්නේ Samsungලා විසින්ම නිර්මාණය කරන ලද විශිෂ්ට Super AMOLED වර්ගයේ තිරයක්. මේවට අඩු විදුලියකින් වැඩි වර්ණාවලියක් පෙන්නන්න පුළුවන්. Resolution එක 1920*1080 ක අගයක් තියෙන්නේ ඒ කියන්නේ Full HD තිරයක්.මේවායේ අගලකට ඇති පික්සල් අගය ඉතා වැඩි.තිරයේ ආරක්ෂාවට Corning සමාගමේ අලුත්ම Gorilla Glass 3 කියන ශක්තිමත් බවින් වැඩි වගේම සීරීම් වලට ඔරොත්තු දෙන ග්ලාස් එකකින් ආවරණය කරලයි තියෙන්නේ මේවා වෙළඳ පොලට නිකුත් කරන්නේ. පේනවනේ කොහොමද කියල Quality එක.
දැන් බලන්නකෝ කොපි ජාරාව වල හැටි

-Clone-
මේවා බොහෝ දුරට බාල තත්වයේ වර්ණ පෙන්නන තිර ජාතියක්. ඒත් තිරයේ විභේදනය ගොඩක් වෙලාවට 720*1280ක වගේ අගයක් හරි ඊට වඩා අඩු අගයක් තමයි තියෙන්නේ. තව මේකේ තිරේ ආරක්ෂාවට නම් කිසිම දෙයක් නෑ. හූරගත්තොත් ඉතින් ඉවරයි. කොපි කාරයෝ දාන touch sensor එක නම් Quality නෑ. එකයි ටික කාලෙකින් display එක සංවේදී නැති වෙන්නේ. තව මේවගේ ටික කලෙකින් Sensor අක්‍රීය වෙනවා.. පහල පින්තූරේ බලන්නකෝ. පේනවනේ තිර දෙකේ වෙනස. ඔරිජිනල් S4 එකේ සුපිරිම Quality එකක් තියෙන්නේ කොපි එකට වඩා.

දැන් බලමුකෝ
ප්‍රොසෙසරය (Processor) ගැන...

=Original=
ඔරිජිනල් S4 කීපයක්ම තියෙනවා. කොරියන් වලින් තියෙන්නෙ SHV-E330K/L/S කියල, ඉන්ටර්නැශනල් වලින් තියෙන්නේ GT-i9500 සහ GT-i9505 මොඩල් දෙක. තව තියෙනව Japan, USA කියලත්. ඉන්ටර්නැශනල් මොඩල් එකට කියන තවත් නමක් තමයි octa core S4. ඒකට හේතුව GT-i9500යෙ තියෙන්නේ Samsung ලාගේ Exynos 5410 කියන cores 8 ක් ඇති ප්‍රොසෙසර් එක. ආසියාවේ ගොඩක් රටවල් වල තවමත් හරි හැටි 4G LTE සේවාවන් නැති නිසා මේ මොඩල් එක තමයි ලංකාව වගේ ආසියාතික රටවල් වල තියෙන්නේ. මොකද කීවොත් Exynos 5410 චිප් එකේ 4G LTE receiver එකක් නැති නිසා. යුරෝපීය හා ඇමරිකා රටවල් වලට ගහපු මොඩල් එක තමයි. 4G LTE පහසුකම් ඇති GT-i9505 phone එක. Qualcomm සමාගමේ Snapdragon 600 කියන cores 4ක් තියෙන ප්‍රොසෙසර් එක තමයි මේ මොඩල් එකේ තියෙන්නේ. විදුලිය පිරිමැස්මෙන් Exynos චිප් එකට වඩා ඉදිරියෙන් ඉන්නවා වගේම කාර්යක්ෂම බවින් එක හා සමාන තත්වෙක ක්‍රියා කරන්ඩ පුලුවන් හැකියාවක් ස්නප්ඩ්‍රගොන් 600 ප්‍රොසෙසර් එකට තියෙනවා... කොරියන් වලත් මේ විදිය තමයි...

ඔන්න මහ ලොකු =Clone= ඒකේ හැටි බලා ගන්න.

ගොඩක් S4 Clone වල තියෙන්නේ MediaTek එකෙන් ගහන ප්‍රොසෙසර් තමයි. MT6589 කියන්නේ 1.2GHz වේගයක් ඇති cores 4ක් (Quad -Core) තියෙන චිප් එකක්. මේක හදලා තියෙන්නේ Cortex-A7 Architecture එකට නිසා ලොකු ගණනය කිරීම් නම් කරන්නම බැහැ. එදිනෙදා වැඩ කටයුතු කරන්නත් බැහැ. ඒතරමටම පෝන් එක හිර වෙනව Slow වෙනවා. පට්ට ගේම්ස් , එකවර ගොඩක් දේ කරන්ඩ(Multitask) නම් අමාරුයි. සමහර Clones වල MT6589 චිප් එකට වඩා පරන ඒවත් තියෙනවා. ඔරිජිනල් පෝන් වල එන්නේ එක පෝන් වර්ගෙකට එකම චිප් එකක්. ඒත් මේ Clone, fake, copy වල තියෙන්නේ එක එක ඒවා. හිතෙන හිතෙන කෑලි දාල...

කැමරාව බලමුකෝ.. ඕකනෙ බලන්නේ හැමෝම

කැමරාව (Camera)
ඔරිජිනල් පෝන් වල කැමරාව ගැන කියන්න දෙයක් නෑ.. සුපිරි
Clone ගැනනම් ගොඩාක් දේවල් පැහැදිලි කරන්න අවශ්‍ය නෑ. සමහර clones වලත් මෙගා පික්සල් 13ක කැමරා තියෙනවා කියල කියනව. හික්ස්... හිනා යනවා. එත් ඒවා image noise වැඩි තත්වයෙන් බාල පින්තූර තමයි දෙන්නේ. Samsung camera modes (Best Shot,HDR..etc) මේවගේ නෑ. 1080ප් වීඩියෝ රෙකෝඩ් කරන්ඩත් බෑ. ඉස්සාමම ආපු චයිනීස් පෝන් වල තිබුන කැමරාව මතකද? අන්න ඒ වගේ ඒවත් තියෙනව, සමහර ඒවගෙනම් ටිකක් හොඳයි.. පොදුවෙ ගත්තොත් 2-4MP වගෙ තමයි තියෙන්නෙ.. වැඩක් නෑ..
මේවගේ හදිස්සියට මොකක්හරි සිදුවීමක පොටෝ එකක් ගන්න ගියාම ඒක ඉවර උනාම තමයි කැමරාව එන්නේ..

***මේ ටික ගොඩාක් වැදගත් අනිවාර්යෙන් මතක තියා ගන්න..***
***මේවගෙන් තමයි ඔයාලව ඇන්දෙන්නේ***
එහෙනම් ඇන්දෙන්න කලින් බලන්න...

*එකක් තමා RAM එක මේවා 1GB හෝ 512MB තමා අන්තර්ගත වෙන්නේ. **මේක වැදගත්** 1GB නම් ලොකු ප්‍රශ්නයක් නෑ...එත් එය විවිධ apps වලින් 2GB පෙන්නන විදිහට තමයි ගොඩක් හදලා තියෙන්නේ . මෙතනදි තමයි හුඟක් අය අහු වෙන්නේ.. මේ ලින්ක් එකට ගියාම දැනගන්න පුළුවන්. (ඔන්න බඩුත් එක්කම හොරු) ගිහින් බලන්නකෝ HDCmobile.com/GalaxyS4

*අනිත් එක තවත් එක තමා HDC එකෙන්ම කියනවා phone එකේ තියෙන්නේ 720x1280 HD තිරයක් එත් System එක 1080x1920 FHD තිරයක් තියෙනවා කියලා පෙන්නන විදිහට හදල තියෙන්නේ කියලා.

* අනික Android version එක 4.2.9 කියල තියෙන්නේ. Google සමාගම එහෙම Android සංස්කරණයක් එළිදක්වා නෑ. 4.2 Jelly Bean සංස්කරණ මාලාවේ අන්තිම සංස්කරණය වුනේ 4.2.2

* ගත්තට පස්සේ අපරාදෙ කියල හිතෙන වැදගත්ම එක තමයි ධාරිතාව. කොපි වල system එක 16GB කියල පෙන්නුවාට ඇත්තටම 4GB ධාරිතාවක් තියෙන්නේ එකෙනුත් අපේ පාවිච්චියට ගන්ඩ පුලුවන් වෙන්නේ 2GB වගේ තමයි... ඇප්ස් ටික දාපුවම ඉවරයි.... අපරාදේ...

*ඊලග එක තමා මේවා වෙළඳ පොළට එන ඔරිජිනල් වගේම Samsung package එක.ගොඩ දෙනෙක් රැවටෙන තවත් හේතුවක් තමා ඒක. එත් Korean, Vietnam version කියන clones වල box ඇතුලෙ වැඩිපුර battery එකක්. flip casing එහෙම තියෙනවා. අඩේ මෙන්න පිටින් ගන්න තියෙන ඒවත් දාල.. ෂා අපිට තියෙන ආදරේ... මගුල ආදරේට නෙවෙයි අන්දවන්න...

*ඊලග එක බැටරිය ඒක ගැන කියනවනම් 2600mAh ධාරිතාවයක් ඇති බැටරි තියෙනවද කියලත් බලන්ඩ. 2600mAh කියල ගහල තිබ්බට ඇත්තම ධාරිතාවද කියන ප්‍රශ්ණෙ එනවා. එක පාරක් මම මේ කොපියක් තියෙන එක්කෙනෙක්ගෙන් පෝන් එක ඉල්ලගෙන Skype කෝල් එකක් ගත්ත. බැටරිය 94%ක් තිබ්බ විනාඩි 2.34 යි කතා කලේ.. පෝන් එක ඕෆ් උන්න. බැලින් නම් බැටරි බැහැල..

*මේ ෆෝන් වල Home Button එක තියෙන්නේ screen එකෙන් ගොඩක් යටට වෙන්න. ඔරිජිනල් එකේ එහෙම නෑ.. හොඳ ලස්සනට තියෙනවා. අනික උඩයි යටයි plastic bezel එකත් ලොකු වැඩී.

* මෙන්න අනික *#0*# මේක තමා අමාරුවේ වැටෙන අනිත් තැන ඒක තමා Samsung ෆෝන් වල LCD Test කරන code එක. ඉසර නම් ඔරිගිනල් පෝන් වල විතරයි ඕක වැඩ කලේ. දැන් මේ HDC Clones හදල තියෙන්නෙත් මේ code එක වැඩ කරන විදිහට. ඒක ගැනත් සැලකිලිමත් වෙන්න... අපි දෙන්නම් ඔරිජිනල් වල විතරක් වැඩ කරන කෝඩ් එකක්. මෙන්න *#9090# මේක තවම කොපි වල වැඩ කරන්නේ නෑ... මේ කෝඩ් එක ගැහුවම Service Mode කියල එකක් එනව නම් එච්චරයි..පෝන් එක ඔරිජිනල්
ඔරිගිනල් කොරියන් පෝන් වල ඇන්ටනාවක් තියෙනව, කොරියන් පෝන් එකක් අඳුරගන්න තියෙන හොඳම ක්‍රමයක් තමයි ඒක. අනිත් එක තමයි ඔරිජිනල් කොරියන් පෝන් වල රේඩියෝ FM Radio එක ලංකාවට වැඩ නැහැ. කවුරු හරි රේඩියෝ වැඩ කරන කොරියන් පෝන් විකුනනව නම් ඒවා අනිවාර්යෙන්ම කොපි ඒවා... ඇන්ටනා තිබ්බට ඔරිජිනල් කොරියන් වල රඩියො වැඩ නැහැ. ඔන්න ආයෙත් කිව්වා හොඳේ. මොකද කොරියාවේ FM Radio වල සංඛ්‍යාත වෙනස් ලංකාවේ ඒවට වඩා

*අනිත් කාරණය තමයි මේවගේ ඔරිජිනල් එකේ තියෙන හුගක් sensor තියෙනවා ඒවා මුලින්ම හොදින් වැඩ කරනවා. හැබැයි අඩු වියදම් hardware යොදා සෑදීම නිසා මේවා දීර්ඝ කාලීනව ක්‍රියාත්මක වීම පිලිබදව ප්‍රශ්නයක් තියෙනවා.
සමහර ඒවගේ සති, මාස කීපයක් තියෙන්න පුලුඅන්. ඒත් හුඟක් ඒවගේ දවස් ගානෙන් පස්සේ Sensor වැඩ නෑ...

ඔන්න එහෙනම් ඔයාලා මේවා ගැන හොදින් අවබෝධ කරගන්න ඇති කියල මම හිතනවා අඩු ගානක් දීලා මාස ගානක් භාවිතා කරන්න

*මේක නම් සෞඛ්‍ය ගැටලුවක්. භයානකම එකක්
මේවා ගන්න එපා ගත්තත් වැඩියේ ඇගේ තියා ගන්න එපා විශේෂයන් පිරිමි අය මොකද මේවගේ SAR අගය පිලිබදව කිසිම සදහනක් නැති නිසා අනාගතයේ දරු ඵල අහිමි වෙන්න පුළුවන් යැයි සැකයක් මේවා පිලිබදව පල වෙලා තියෙනවා. ඇයි අනේ ඔක්කොම බාල ජරා ගොඩවල් දාල හදන ප්‍රමිතියක් නැති ඒවනේ. බය හිතෙනව මට නම්
ඔන්න හරිනේ... මේකේ මට මතක විදියට විස්තර දැම්මා..
තව මොනව හරි අඩුපාඩුවක්, වැ‍රැද්දක් එහෙම තියෙනව නම් අනිවාර්යෙන්ම කොමෙන්ට් එකක් දාන්න.... වැරදි ඇති නැත්තෙ නෑ... අකුරු වැරදි තියෙනව නම් සමා වෙන්න...
පහල මම දාල තියෙනව පෝස්‍ටුවට අදාල පින්තූර ඒවත් බලන්න...
මේ කලින් දාපු පෝස්ට් ටිකත් කියවලම බලන්න. ගොඩාක් වැදගත් දේවල් තියෙනව..

මේ අනිත් ජවාරම.. කොරියන් සහ ඉන්ටර්නැශනල් පෝන් වල කෑලි එකතු කරල ඉන්ටර්නැශනල් කියල විකුණන පෝන්. ඒ කියන්නේ කොරියන් බෝර්ඩ් එකට ඉන්ටර්නැශනල් කෑලි දාල හදන්නේ (Refurbished Phones)
ඒක බලන්නකො මෙතනින්.
කොපි පෝන් ගැන තව එකක්
ඒක බලන්නකො මෙතනින්.
එහෙනම් මේවා කියවල බලල හොඳට තේරුම් අරගෙනම ඔරිජිනල් පෝන් එකක් ගන්න..
අම්මෝ.. පිස්සු හැදුන ටයිප් කරලම. පේනවනේ ලිපිය දිහා බැලුවම කොච්චර විස්තර තියෙනවද කියල...
පැය ගාණක් ගියා වැඩේ ඉවර කරන්න..
එහෙනම් අපි ගියා
ජය වේවා.
සංජය තිසර වීරසේකර® 

පාන්දර 2:45 වෙනකන් ටයිප් කලා අදම දාන්න කියල බලාගෙන.
අම්මගෙන් කුණු බැනුමකුත් අහගන්න උනා.. ඇත්තනේ මහ රෑ ටක ටක ගගා ටයිප් කරනකොට ලයිට් දාගෙන බනිනව නේන්නම් අපි උනත්.

නැවත සකස් කරපු පෝන් වලින් බේරෙමු

ආහ්. කොහොමද
මගේ දෙවෙනි පෝස්ට් එකත් හොරු ගැනමයි..

මෙන්න යාලුවනේ මගෙන් තව වටින පෝස්ට් එකක්
මේක මේ සැම්සුන්ග් පෝන් ගැන
අපි ඉතින් සැම්සුන්ග් පෝන් ගන්නකොට බලනවනෙ ඉන්ටර්නැෂනල් ද කොරියන් ද
( International or Korean ) කියලා... ඉතින් ඒ පෝන් වර්ග දෙකනෙ හොඳම...
අපි තව දන්නෙ ඉන්ටර්නැෂනල් සහ කොරියන් කියන ඔරිජිනල් (original) එකට අමතරව තියෙන්නෙ හයිකොපි (high copy), චයිනීස් (Chinese), ක්ලෝන් (clone) කියලනේ..... ඒව ගැන කියන්න ඕනෙ නැහැනේ ඉතින්.... බාල කොපි (copy) පෝන් තමයි ඒවා...
ඉතින් මේ වගේම තව දෙයක් තියෙනවා.. කොහොමත් ඔරිජිනල් පෝන් එකක් හොයන කෙනෙක් ගන්නෙ ඉන්ටර්නැෂනල් හරි කොරියන් ( International or Korean ) නෙ.
කොහොම හරි ඉන්ටර්නැෂනල් පෝන් එකක් ගන්න හිතන් ඉන්න අයට මේක වටිනවා...
දැන් තියෙනවා ඉන්ටර්නෂනල් එක වගේම හදල තියෙන කොරියන් පෝන්
ඒ කියන්නෙ කොරියන් පෝන් එකේ ඇන්ටනා එක කපලා, කොරියන් බෝර්ඩ් එක වෙනස් කරල හදපු පෝන්
ඒවගෙ තියෙන්නෙ කොරියන් බෝර්ඩ් එක ඉන්ටර්නෂනල් එකේ හවුසින් එකට සෙට් කරල... බැලු බැල්මට පේන්නෙ ඉන්ටර්නැෂනල් එකක් වගේමයි.
පෝන් එකේ බැටරි එක යට තියෙන ස්ටිකර් එකත් ඉන්ටර්නෂනල් විදියටම තියෙනවා..
ඒ වගේම පෝන් එකේ හවුසින් එකත් ඉන්ටර්නෂනල් වගේමයි.
original එකේ වැඩ කරන ඔක්කොම code වැඩ..
IMEI Numbers සමානයි...තව මේකට ඉන්ටෙර්නෂනල් එකේම බොක්ස් එකත් තියෙනවා ඒකේ IMEI Number එක පවා සමානයි, full set එකම තියෙනව ඇතුලෙ කවර වල දාලා... බොක්ස් එකත් sealed pack
මම මෙහෙම කියන්නෙ මගේ අතටත් මෙහෙම පෝන් එකක් ආව නිසා. ikman.lk එකේ ඇඩ් එකක් දැකල තමයි මමත් ගත්තේ.
මෙන්න මෙහෙමයි මේ පෝන් එකක් අල්ල ගන්නෙ.
මේකෙ FM Radio වැඩ නෑ.. මොකද මේකෙ තියෙන්නෙ කොරියන් බෝර්ඩ් එකක්නෙ.. ඉතින් කොරියන් Samsung පෝන් වල FM Radio වැඩ නැහැනේ... අනිත් එක මේ පෝන් එක සාමාන්‍යයෙන් පාවිච්චි කරද්දි ගොඩාක් රත් වෙනවා.. අතේ තියන් ඉන්න බැරි තරමටම.. තව මේකෙ බැටරි එක සෙට් වෙන කනු තියෙන්නෙ පෝන් එකේ වම් පැත්තෙ (Korean Bord එකක් නිසා), තව හොඳට හොයල බලුවොත් battery එක යට sticker එකයි, box එකේ sticker එකයි ගලවල වෙන ඒව අලවල කියල බලා ගන්න පුලුවන්
මමත් අල්ල ගත්තෙ මේවගේන් තමයි.
පෝන් එක ගනිද්දි නම් කියන්නෙ 2 Years Warranty කියලා.. ඒත් ඒක අමූලික බොරු.. 2 Years Warranty හම්බෙන්නෙ company එකෙන් ගෙන්නුවොත් විතරයි
මේක විකුණන අය කියන්නෙ මේක හොන් කොන් (Hong Kong) version කියල. තව තව අය එක එක version කියල කියනව ඇති...
මේකක් යන්නෙ 28000/=-30000/= අතර ගානකට.
ඉතින් මමනම් මගේ පෝන් එක උන්ටම දීල සල්ලි ඉල්ල ගත්ත...
කොහොම හරි ඔයාල international phone එකක් ගනව නම් ගොඩාක් හොඳට හොයල බලල ගන්න...
දැන් මේක ජාවාරමක් විදියට නැගල යනවා... උදාහරණයක් විදියට හුඟක් අය Galaxy S2 එකක් ගන්න හොයනවා Brand new
මේ හොරු කරන්නෙ Korean phone, international phone කෑලි සෙට් කරල brand new housing දාල විකුණන එක.
ඔය බොරු කියන පල් හොරුන්ට අහු වෙන්න එපා. උන් ඕක කියල විකුණනවනම් කමක් නැ.. ඒත් විකුනන්නෙ Original international කියලනෙ
ඔයාල මෙහෙම තැන් ගැන දන්නවනම් බය නැතිව පොලිසියට කියන්න.. දැන් අල්ලනවනේ හොර පෝන් විකුණන අය...
ආයෙත් කියන්නෙ මේ වගේ අයට අහුවෙන්න එපා... phone එකක් ගන්නව නම් හොඳට දන්න කෙනෙක් එක්ක යන්න....
මේ තියෙන්නෙ.. මෙන්න මේ site එකේ තියෙනව මම කියන පෝන් වර්ගේ
http://www.aliexpress.com/snapshot/6150724098.html
පුලුවන් තරම් වෙලා අරගෙන check කරන්න... තව මොනව හරි දැනගන්න ඕනෙනම් Comment කරන්න..
මම හිතනව මගේ post එක වටිනව ඇති කියලා
එහෙනම් ඔන්න මම ගියා.... ජය වේවා!!!

කොපි පෝන් වලට අහුනොවී ඔරිජිනල් පෝන් එකක් ගනිමු

ඔන්න මගේ පලවෙනි පෝස්ට් එක..
කොහොමද ඉතින් කට්ටියට? හොඳින් ඉන්නව නේද?

හුගක් අයට තියෙන ප්‍රශ්නයක් තමයි මොනවද මේ Copy,Clone, high copy කියන්නේ මොකද්ද කියන එක...
ඔන්න මම අද කියල දෙන්න යන්නෙ ඒගැන.. මේ ගැන ගොඩක් කට්ටියනම් දැන් දන්නව අපේ group එක නිසා...
ඒත් සමහර අය දන්නේ නෑ... මොකද මම දැක්කා
"මම 15000/=කට galaxy S5 එකක් ගන්න යන්නෙ"
"S4 brand new ඒවා 11000/=යි"
"Koran S4 11000/= Fullest brand new"
"S5 High Quality Korean & Vietnam Versions 15000/=(nego)"
S2,S3,S4,S5, Note1,2,3..තව ගොඩක් phone මෙහෙම අඩුවට විකුනන්න තියෙනවා
ඔන්න ඔය වගේ කතා....

ඉතින් මේ ප්‍රශ්නෙට විසඳුමකුත් තව ගොඩක් විස්තරත් දාල තමයි මම මේ post එක දෙන්නෙ.....
හරි... ඉතින් අපි දන්නවනෙ Samsung කියන්නෙ ලෝකයේ තියෙන හොඳම Phone හදන සමාගමක් කියලා
Original Samsung Phone හදන්නෙ ප්‍රධාන වශයෙන් China, Korean,Vietnam කියන රටවල් තුනේ..
ඉතින් මේ කොහේ හැදුවත් ඒක original Phone එකක් නම් කිසිම ප්‍රශ්නයක් නැ... මම මෙතන original phone ගැන කියන්න යන්නෙ නැ..
කොහොම හරි දැන් විකුනන්න තියෙනවා Samsung phone වල කොපි phone... ඒ කියන්නෙ හොර ඒවා.. ඔය මම උඩ දාල තියෙන්නෙ ඒ වගේ බාල කොපි පෝන් වල මිල ගනන් තමයි.
අපි උදාහරණෙකට ගමු Samsung Galaxy S4 Phone එකක් Original Samsung Galaxy S4 එකක් 50000/=-60000/= අතර මිලක් වෙනවා..පාවිච්චි කරපු එකකුත් 40000/=ක් විතර වෙනවා.. (Korean,China,Vietnam ඕන එකක්).
මේවා ඔක්කොම Samsung Company එකේ හදන Original Phone
ඉතින් දැන් ඔය තියෙන Copy,Clone,High copy ගැන බලමු..
කෙලින්ම කිව්වොත් මේවා හදල තියෙන්නෙ ඔක්කොම බාල බඩු දාල....
Original S4 එකක කැමරාව 13MP තියෙනව ඒත් මේ Copy Phone වල කැමරාව 2MP වත් නැහැ.
අපි මේ copy phone එකක් අරන් බැලුවොත් ඒකේ පෙන්නනවා Original එකෙ වගේම RAM, Processor ඒත් ඇත්තටම ඒ කියන දේවල් මුකුත් නැහැ..
අඩුම ගානේ Game එකක්වත් හරියට ගහන්න බෑ.. සමහර ඒවා ගහන්න පුලුවන්...ඒත් ලොකු Game නම් බැහැ.
මේ වගේ Phone එකක කාලේ ගැන නම් කියන්න බැහැ.. සමහර ඒවා සතියෙන් ලෙඩ... කලාතුරකින් සමහර ඒවා මාස6ක් -10ක් පුලුවන්...
ඔයාල දැකල ඇති මේ වගේ Phone ගත්ත අය පුලුවන් තරම් ඉක්මනින් එයාලගේ Phone එක විකුනනවා...
මොකද ‍රැවටිලා ගත්තට කවුරුවත් මේවගේ phone එකක් තියා ගන්න ආස නෑ....
ආහ්... තව සමහරු ඔය copy Phone විකුනන්නෙ Korean,Vietnam කියල... ඒත් ඒ එකක්වත් Korean වත් Vietnam වත් නෙවෙයි...මම කිව්වනේ Original Phone එකක් ගනන් කියල
අනිත් එක ඉතින් කියන්න ඕනේ නැහැනේ 40000/=ක් වටින phone එකක් 11000/= දෙන්නේ ඇයි කියලා..
එහෙනම් මේ ඔක්කොම කියවලා බලල හොඳ phone එකක් ගන්නකෝ..
තව දැන ගන්න ඕන මොනව හරි තියෙනවනම් comment කරන්නකෝ
ජය වේවා හැමෝටම!!!!

Big Boss බ්ලොග් වෙබ් අඩවිය

මගේ බ්ලොග් එකට සාදරයෙන් පිළිගනිමි...
මේකෙන් ඔයාලට පෝන් වලට සම්බන්ධ වෙන, අවශ්‍යය වෙන ඕනෙම දෙයක් දැන ගන්න පුලුවන්. තවම පටන් ගත්ත විතරනේ. ඉදිරියට ගොඩාක් වැදගත් ලිපි දාන්න. ජය වේවා!!!!